कासेगाव येथे मोटार दुभाजकाला धडकून एका महिलेचा मृत्यू

पुणे-बंगळूरू महामार्गावर कासेगाव (ता. वाळवा) नजिक सोमवारी सकाळी सहा वाजण्याच्या सुमारास मोटार दुभाजकाला धडकून अपघात झाला. गुजरातहून केरळला पर्यटनासाठी निघालेल्या कुटुंबाची ही मोटार होती. अपघातात एका महिलेचा जागीच मृत्यू झाला. पती-पत्नी गंभीर जखमी असून ईश्वरपूर येथील खासगी रुग्णालयात उपचार सुरू आहेत. मोटारचालकाविरोधात कासेगाव पोलिस ठाण्यात अपघाताचा गुन्हा दाखल असून पुढील तपास सुरू आहे. तपशीलासाठी लिंक पाहा.